Qeveria e Republikës së Kosovës e drejtuar nga Albin Kurti përmes ZRRE-së po tenton ta shtrenjtojë çmimin e energjisë elektrike me arsyetimin se janë ngritur çmimet e importit, por lukset e udhëheqësve të shtetit nuk kanë të ndalur.
Nga darkat e shtrenjta me salmon e alkool e deri te qindra mijëra euro të shpenzuara nga deputetët e Kuvendit, që regjistrohen larg Prishtinës, por realisht jetojnë në Prishtinë.
Shteti i Kosovës i paguan deputetët 30 euro për 60 kilometra kur kosto reale është 10 deri 15 euro. Vet Kurti gjatë premtimeve të shumta gjatë rrugës së tij për pushtet, kishte thënë se paga e deputetit nuk duhet të kalojë trefishin e pagës mesatare, kurse gjatë Qeverisë së tij, deputetët e tij dhe të tjerë shpenzojnë mijëra euro vetëm për derivate.
