Hakerët kanë vjedhur më shumë se 324 milionë dollarë në kriptomonedha nga Wormhole, konfirmuan të mërkurën zhvilluesit e platformës.
Wormhole tha në një seri postimesh në Twitter të mërkurën pasdite se hajdutët u larguan me 120,000 WETH, ose Ethereum të mbështjellë, me vlerë rreth 324 milionë dollarë me kursin aktual të këmbimit. Rrjeti i platformës u hoq gjithashtu jashtë linje për mirëmbajtje.
Kjo është një nga vjedhjet më të mëdha të kriptove të të gjitha kohërave dhe vjedhja e dytë më e madhe nga një shërbim DeFi, tha në një deklaratë firma e analizës së blockchain Elliptic. DeFi është çdo mjet financiar që përdor teknologjinë blockchain për të anashkaluar institucionet ndërmjetësuese.
Certus One, zhvilluesit e Wormhole, i ofruan hakerit një “shpërblim gabimesh” prej 10 milionë dollarësh për detajet e shfrytëzimit dhe kthimin e kriptomonedhës, sipas një mesazhi të shpërndarë nga Tom Robinson i Elliptic.
